Advertisement

Advertisement

من نحن ,عن موقع موبيزين

ماهو موقع موبيزين ؟

موبيزين هو موقع تقني يهتم بالتحديد في مجال الهواتف الذكية ( الموبايلات ) , في موبيزين هتلاقي كل حاجة عايز تعرفها في سوق الهواتف الذكية من حيث مواصفات الهواتف و الأسعار و المراجعات الكاملة ومميزات و عيوب كل موبايل بكل حيادية وبكل وضوح.

ازاي اقدر استفيد من موقع موبيزين ؟

موبيزين كل يوم بيقدملك الجديد في سوق الهواتف الذكية ( الموبايلات ) فا لو حبيت في يوم تشتري موبايل جديد و محتار نتيجة التنوع الشديد فالسوق حالياً فالحل هو موبيزين ! موبيزين بكل بساطه هيقدملك أفضل ترشيحات للفئة السعرية الي انت بتدور عليها و هيقارنلك بين كل الموبايلات في الفئة دي و يقنعك بالتجربة و بالدليل تشتري ايه و تبعد عن ايه بكل حيادية سواء كان فى الأسواق السعودية أو المصرية والعربية .

في موبيزين تقدر تدخل تبحث عن مواصفات اي موبايل و تقدر تقارنة بموبايل تاني من خلال خاصية المقارنة المتاحة في موبيزين , كمان تقدر تبعتلنا علي صفحة الفيس بوك بتاعتنا و تسأل سؤالك و احنا هنجاوبك علي اي استفسار يخص الموبايلات. .

ازاي استخدم موقع موبيزين ؟

لو عاوز تعرف تستخدم موقع موبيزين ازاي .. وتستفيد من كل المميزات الموجودة في الموقع لازم تشوف الفيديو ده .

 

ليه أثق في موبيزين ؟

موبيزين موقع حيادي جداً بيقوم بمراجعة الموبايلات بكل شفافيه و بكل حيادية و بيقارن بينهم و بينصحك بموبايلات معينه الي اثبتت نجاحها في المقارنة بغيرها في نفس الفئة السعريه .

وكمان بنعمل فيديوهات مراجعات ومقارنات لكل الموبايلات في كل الفئات السعرية على قناة موبيزين على اليوتيوب .

نقطة مهمه جدأ لازم تعرفها ! موبيزين مش بيبيع موبايلات و لا متعاقد مع اي شركة من شركات تصنيع الموبايلات و رأينا هو رأينا الشخصي بالتجربة و الدليل و غير مبني علي اراء الشركات ولا احنا تحت اي ضغط من اي نوع من اي شركة موجودة فالسوق .

الـ Business Model لـموبيزين مبني علي ارباح شركة أعلانات Google Adsense وهي شركة وسيطة بينا و بين المعلنين و ليس لنا تعاقد مع اي شركة من شركات تصنيع الموبايلات او اي براند مشهور بيبيع موبايلات .

عشان كدة موبيزين موقع يستحق انك تثق فيه و في المعلومات الموجودة فيه ! موبيزين مش بيبيع موبايلات و ملوش اي دافع ان يوجهك ناحية موبايل معين أو براند معين ولا متعاقد مع اي براند مشهور بيبيع موبايلات أو اكسسوارات او شركة تصنيع موبايلات .

مهمتنا في موبيزين :

كل يوم فريق عمل موبيزين بيشتغل و بيبحث عشان يوفرلك وقتك و مجهودك و عشان مينضحكش عليك في سوق صعب و متغير زي سوق الهواتف الذكيه ! هدفنا ان كل الوطن العربي يلاقي في موبيزين مصدر عربي للمعلومات عن الهواتف الذكية موثوق 100% .

عن أصحاب موقع موبيزين :

موقع موبيزين يملكة شركة A.M.T للتسويق الإلكتروني و الي بيديرها مجموعة شباب سعوديين ومصريين , شركتنا قايمة علي العديد من المشروعات الأونلاين الي منها موبيزين و لنا خبرة كبيرة في مجال الـ Digital Marketing و الـ Affiliate Marketing .

طريقة التواصل مع موقع موبيزين :

تقدر تتواصل مع موقع موبيزين من خلال صفحته علي الفيس بوك من الرابط التالي : موبيزينMobizain

أو يمكنكم مراسلتنا عبر الايميل التالي :-

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. موافق قراءة المزيد